Ateneo Gabay

Ang GABAY ay isang socially-oriented organization ng Unibersidad ng Ateneo de Manila. Ang Gabay ay ang tahanang organisasyon ng mga mahihirap ngunit matatalinong mag-aaral ng Ateneo: ang mga Iskolar. Bahagi ito ng Council of the Organizations of Ateneo (COA) at isa sa 43 accredited organizations ng taon.Dito, ang mga miyembro’y nagkakaroon ng pangkabuoang paghubog: tulong pang-akademiko, pagiging mulat sa sosyo-politikal na mga isyu, wastong pakikiangkop sa kultura ng Ateneo at mabuting relasyon kay Kristo.

Binibigyan din ng pagkakataong hubugin ang ibang talento ng mga miyembro: sayaw, kanta, pagsusulat, atbp. Bilang SOA org, ang mga Gabayano ay nagtuturo at tumutulong sa mga estudyante, sa mababa at pampublikong paaralan, na maging iskolar din.

Ang Gabay ay may malapit na kaugnayan sa Office of Admission and Aid at bukas din and pinto sa mga hindi iskolar. Ito lamang ang organisasyon sa Ateneo na hindi tumatanggap ng butaw o registration fee sa recruitment ng mga miyembro.

Ang Gabay ay kasalukuyang ipinagdiriwang ang ika-30 taong anibersaryo ng pagkakatatag nito ngayong taon at kasalukuyang naghahanda para sa mga sorpresang paglilingkod at proyekto para sa komunidad ng Ateneo, mga iskolar, mga miyembro, mga alumni at mga taong higit na nangangailangan sa labas ng Ateneo.

Sa Gabay, nandito na lahat. Ang iyong kaibigan, kasama sa pagtataya, pamilya at tagapagpasaya ng iyong kaarawan. Andito ang iyong puso… at buhay. Buong-buo. Gabay.